Miðvangur 8

Hámarkshæð byggingar er 15,0 m ásamt bílakjallara. Fyrsta hæð skal vera inndregin og fylgja a.m.k. 80% lengdar bundinnar byggingarlínu. Útbyggingarreitur er fyrir 2.– 3. hæð til suðurs og vesturs en útbyggingarreitur til norðurs er fyrir svalaganga. Fimmta hæðin er inndregin a.m.k. 2,5 m. Húsagerð er frjáls hvað varðar efnisval og liti. Hafa skal uppbrot í formi út- og innskota á 5 – 10 metra fresti til að mynda ekki einsleitan eða samfelldan flöt. Þakgerð er flatt þak, lagt er til að gróðurþekja þakið til að auka umhverfisgæði samhliða því að fegra ásýnd hverfisins. Heimilt er að gera þakgarð. Í bílakjallara eru bílastæði fyrir íbúðir og / eða verslun. Hámarkshalli á skábraut er 1:7.